東津之歌--月令魚仔歌
作曲--許明得 作詞--蕭枝林 演唱者-- 鄭福仁 阿碧師
歌詞:
泅啊泅,泅啊泅,泅到後壁去盪鞦韆,
泅啊泅,泅啊泅,泅到琉球腳找朋友,泅啊泅。
正月白帶是澎湖產,蟳仔開春是尚正扮。
二月櫻花蝦米,算特產,炒香配酒真著味。
三月飛鳥愛玩水,海豬伴泅七星岩。
四月黑甕串介高貴,外銷日本賺大錢。
五月沙魚魚刺是第一讚,雨傘黏肚煮薑絲。
六月嘉蠟仔 赤鬃是牲禮魚,祈求平安攏順利。
七月加網伊兜在珊瑚腳,鮢過作伴咾咕樹。
八月狗母嘛真厚刺,作魚丸、『有彈性』〈國語〉,旗魚花枝嘛是好料理。
九月那ㄍㄜˇ 真怪奇,軟sim sim,肉白骨軟豆簽湯。
十月土魠四過是,竹節仔是兄弟 是兄弟。
十一月烏魚尚守信,冬至圓,鵝鑾鼻 魚子烘 了 香Q甜。
十二月肉鯽仔是肥記記,黑鯧、白鯧當著時 當著時。
泅啊泅,泅到日出又暗暝,泅啊泅,
泅到月光五更天,泅啊泅,泅啊泅~ ~ ~ 。
全站熱搜
留言列表